China launches reform of Chinese 'green cards'

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Escenas d'agricultura en una tumba de l'Antigo Echipto.

Una plantación de panizo en Liechtenstein.

Campos de trigo.

百度 ”十一届三中全会后，我们党恢复了解放思想、实事求是的思想路线，党和国家工作重心实现了战略转移，统一战线也实现了从服从和服务于阶级斗争的统一战线向服从和服务于社会主义现代化建设的统一战线的历史性转变，“台湾归回祖国提上具体日程”。

L'agricultura ye, en un sentito amplo, o conchunto de conoiximientos y d'actividaz que tienen por obchecto a explotación d'o medio natural ta producir alimento u atros productos a traviés d'o cautivo de bellas plantas y a cría d'animals domesticos.

L'agricultura tien una gran importancia estratechica como base pa l'autosuficiencia y a riqueza d'as nacions, pero tamién ye l'actividat humana que mas augua consume, prencipalment pa lo riego, según la FAO (Organización d'as Nacions Unidas pa l'Alimentación y l'Agricultura) l'agricultura utiliza lo 69% de l'augua extraita en o mundo, en as zonas mas aridas s'estima que plega a lo 90%.

A qui treballa en l'agricultura se le diz "agricultor" u mas tradicionalment "labrador".

Tipos d'agricultura

Os tipos d'agricultura pueden clasificarse seguntes diversas formas de clasificación:

• Por consumo d'augua.
  • Agricultura de regano, ye a forma d'agriculura que prima l'aportación d'augua a la tierra ta afavorir l'optimo desarrollo d'as plantas que se hi cautivan, y y puede fer-se de diferents formas.
    • Regano por inundación u sulcos.
    • Regano por aspersión.
    • Regano por goteo.
    • Fertirrigación.
    • Hidroponía.
    • Horticultura.
  • Agricultura de secano, ye aquella en a cuala lo ser humano no contribuye a la irrigación d'os campos, sino que utiliza nomás la que proviene d'as plevias u humedat ambiental.
• Por producción.
  • Agricultura de subsistencia. Tiene como obchectivo la producción agricola pa sobrevivir y pa satisfer prencipalment las necesidaz locals, con poco u garra excedente.
    • Horticultura.
  • Agricultura industrial u comercial. Ye un metodo de producción agricola en o cual se fa un uso intensivo d'os meyos de producción como la siembra. Consiste en aconseguir la mayor cantidat de productos per unidat de superficie usualment per medio d'a utilización de fertilizants, simients triadas, regadíos, maquinaria, entre atros.
• Por rendimiento.
  • Agricultura extensiva, ye un sistema de producción agricola que maximiza la capacidat pa la plena productividat a curto plazo d'o suelo sin la utilización de productos quimicos, lo riego u los drenajes, sino mas bien, fendo uso d'os recursos naturals presents en o puesto. A vegadas ye tamién considerada como ecolochica si no s'utilizan fertilizants quimicos ni simients industrials y sigue atras directrices pa estar considerada asinas.
  • Agricultura intensiva, ye pareixida y a vegadas igual que l'agricultura industrial por intentar aconseguir la mayor cantidat de productos per unidat de superficie.

Equipos, ferramientas y maquinaria agricola

En os inicios de l'agricultura s'utilizaban ferramientas manipuladas exclusivament per hombres, mas tarde s'incorpororon los animals permitindo utilizar equipos gracias a la fuerza y resistencia que proporcionaban, amillorando lo rendimiento d'os campos y augmentando la superficie que se podeba cautivar. Mientres la historia d'a humanidat s'amillororon las ferramientas y equipos incorporando las tecnolochías propias d'a epoca, pero no ye dica la incorporación d'as maquinas cuan se puede observar un augmento significativo tanto d'a producción como de superficie. En prencipio estioron maquinas de vapor y dimpués se desenvolvioron las de motor de combustión que s'encara en l'actualidat s'utilizan masivament a livel mundial. Las nuevas tecnolochías de cautivo que se fueron desenvolvendo en o campo agrario tamién requirioron nuevas maquinas y equipamientos que desenvolvioron las nuevas tecnolochías, deixando obsoletas ferramientas, equipos de labranza y sembradoras tradicionals pa l'agricultura intensiva y industrial. Se prevee que en un futuro con a cheneralización d'a electrificación d'os meyos de transporte y lo desembolique d'istas tecnolochías s'incorporen tamién a la maquinaria y equipos agricolas.

Ferramientas agricolas

• Categoría principal: Ferramientas agricolas.

Las ferramientas agricolas son trastes que s'utilizan pa labrar la tierra, cargar arena, deshierbar, remover la tierra, ubrir sulcos, transportar abono u materials, entre d'atras fainas relacionadas con l'agricultura. Son os primers tractes utilizaus pa treballar a tierra por la humanidat, en primeras yeran de fusta y piedra, evolucionando dica formas mas ergonomicas, efectivas y duraderas de materials metalicos u plastico, en l'actualidat son muitas y muito variadas entre las cualas se mencionan:

Aladro. Bigós. Chubo. Tallabarzas. Dallo.

Escopulión. Falz. Fargueta. Forca. Ixada.

Ixadico. Ixadón. Mallal. Martiel. Pala.

Pica. Piqueta. Pugart. Rasclo. Retabillo.

Ruello d'era. Ruixadera. Tablador. Trillo. Zoqueta.

Maquinaria agricola

Tractor Ebro 160E de 1978.

La maquinaria agricola son maquinas que realizan una fuerza de treballo per medio d'enerchía pa realizar las labors propias de l'agricultura y fer mas facil la producción y amillorar lo rendimiento amillorando las tecnicas de cautivo, a lo mesmo tiempo que permiten lo cautivo d'una superficie mas gran. Las primeras maquinas que se desenvolvioron estioron maquinas de vapor, en l'actualidat son cheneralment maquinas con motors de combustión, pero ya se son desenvolvendo maquinas electricas, que se les suposa que irán sustiyendo de forma progresiva las actuals de motor de combustión. Entre las maquinas agricolas mas utilizadas en as labors d'o campo las mas comunas son las que se mencionan a contino:

• Locotractor, ye un vehíclo autopropulsado per un motor de vapor, que s'utilizaba pa mover cargas pesadas en carreteras, arar lo terreno u proporcionar enerchía en un puesto determinau. En desuso dende meyaus d'o sieglo XX, en la actualidat nomás ye un obchecto de colección utilizau pa exhibicions, concursos y exposicions.
• Tractor, ye un vehíclo especial autopropulsau que se fa servir pa rastrar u empentar remolques, embarcacions, ainas u atra maquinaria u cargas pesadas. Bi ha tractors destinaus a l'agricultura, que han feito posible disminuyir a mano d'obra emplegada en o treballo agricola, asinas como a mecanización de fainas de carga y de tracción que tradicionalment se feban con o esfuerzo d'animals como somers, bueis u mulas. Pa realizar diferents fayenas agricolas s'equipan con diferents ferramientas agricolas.
• Motocultor, ye una maquina agricola d'un solo eixe y un manillar que gosa tener mediana potencia pero en cambio puede estar muito versatil con as ferramientas y complements que pueden acoplar-se. Ye la maquinaria ideyal pa parcelas chicotas, huertos u minifundios.

Equipos agricolas

Os equipos agricolas son trastes disenyaus pa fer los treballos propios de l'agricultura, cheneralment movius, arrocegaus u funcionan con a enerchía proporcionada per una maquina agricola. Beluns d'estes trastes con o desembolique de nuevas tecnologchías pueden estar autopropulsaus evolucionando enta maquina agricola.

• Aladros de tracción mecanica, s'emplegan enganchaus ent'un tractor agricola y estan adaptaus a diferents tipos de treballo d'a tierra, puediendo fer sulcos mas grans, profundos u amplos seguntes las necesidaz d'o tipo de treballo u cautivo que se va a realizar.

Historia

L'orichen de l'agricultura se troba en o Neolitico cuan a economía d'as sociedaz humanas evolucionoron dende a caza y recolección enta l'agricultura y a ganadería. As primeras plantas cautivatas estioron o trigo y l'hordio. Os suyos oríchens se pierden en a prehistoria, pero pareixe que yeran tres as culturas que de forma independient la practicaban: en Mesopotamia, en America Central (as culturas precolombinas) y probablement a l'este d'Asia por os chineses.

Se produce una transición alto u baixo gradual dende a economía de caza y recolección a l'agricultura. Una d'as razons d'a introducción de l'agricultura habría estato un cambio climatico enta temperaturas mas templatas.

L'agricultura permitió una mayor densidat de población que a economía de caza y recolección, y a disponibilidat d'alimento ta un mayor numero de personas, permitindo que no totas as personas haigan d'adedicar-se a producir-ne, lo que ye crucial en a naixencia d'as sociedaz estatals.

Dica a metat d'o sieglo XX l'augmento d'a producción agricola consistiba en a expansión d'as zonas cautivadas, pero se plegó a un inte que ya no se podeban extender mes. Alavez encomenzó un proceso de modernización de l'agricultura pa obtener mes rendimiento en as mesmas tierras cautivadas fendo servir mes abonos quimicos, augua y pesticidas tot ixo combinau con una evolución tecnica d'as ferramientas y maquinaria agricola utilizada. Tamién creyoron por selección chenetica unas variants de creiximiento mes rapedo d'especies cautivadas de cerials. Tot esto ye conoixiu como a "Revolución verde".

En l'actualidat buena part d'as nuevas superficies cautivadas se dedican a la obtención de biocombustibles y tamién muitas tierras cautivo de plantas comestibles las han dedicadas a cautivar plantas pa fer biocombustibles fendo puyar os pres d'os alimentos a principios d'o sieglo XXI.

Veyer tamién

Agricultura ecolochica. Agricultura de precisión. A revolución verda. Cultura a redolín.

Hidroponia. Politica agricola común d'a UE. Subsidios agricolas.

Vinclos externos

• Se veigan as imáchens de Commons sobre agricultura.
• (es) Ministerio d'Agricultura, Alimentación y Meyo Ambient d'o Gubierno d'Espanya.
• (es) Departamento d'Agricultura, Alimentación y Meyo Ambient d'o Gubierno d'Aragón.
• (es) Apartau d'agricultura en a pachinaweb d'o Gubierno d'Aragón.

• Datos: Q11451
• Multimedia: Agriculture / Q11451